وجه يوسف حسن لاعب الزمالك السابق ولافيينا الحالي، انتقادات قوية لإدارة نادي الزمالك برئاسة حسين لبيب ونائبه هشام نصر، بسبب رحيل عدد من لاعبي الفريق الشباب.
وكان الزمالك اتخذ قرارا بالاستغناء عن مجموعة من لاعبي الفريق الشباب، ومن بينهم آنس وائل، أيمن أمير عبد العزيز، وغيرهم من اللاعبين.
انتقادات قوية من يوسف حسن لإدارة الزمالك
وكتب حسن عبر حسابه الرسمي، على موقع التواصل الاجتماعي “فيس بوك”: “جمهور الزمالك العظيم، كلمتين هقولهم لله ومش عايز حاجه، أقسم بالله مفيش حد بيحب الزمالك غير جمهوره، أنا مستقبلي أدمر وحياتي اتبدلت 360 درجة عشان اختارت الزمالك”.
وأضاف: “كان قدامي عروض من الأهلي وأندية كتير بإثباتات، مهما أحكي أنا الإدارة عملت فيا إيه وساومتني على فلوسي اللي في الأخر مخدتهاش ورموني، محدش هيحس بيا وكنت بسكت عشان ميتقالش واطي وجعان”.
وتابع: “أوعوا تزعلوا من بني آدم لعب لنادي الزمالك ومشي، أعرفوا أنه اتذل واتكسر نفسه عشان ياخد فلوس يدفع إيجاره وأكله وشربه، لو رفع قضية هو مش بيكره الزمالك أو جمهوره بلعكس، دي الطريقة الوحيدة اللي عايز بيها حقه ورزق عياله”.
وواصل: “اللي بيوصلكم أن اللعيبه جعانه وواطية كداب، اللعيبه دي بيبقى تم وعد مليون مرة بحقوقها واتغدر بيها من بني آدمين”.
واختتم حسن تصريحاته: “كلام كتير مش هعرف اكتبه وشوفته بعيني، كل اللي أقدر اقولهولكوا ربنا معاكم ويوفقكم، ولو حصل عكس ده اعرفوا إن دي دعاوى ناس اتظلمت وسطيكم”.
أقرأ أيضًا:
“الاتفاق تم”.. لاعب الأهلي السابق يقترب من الانضمام لبيراميدز
“الصفقات الجديدة والراحلين”.. تفاصيل ميركاتو الأهلي الصيفي 2026
