سهير جودة تدافع عن شيرين بعد انتقادات ظهورها الأخير بوزن زائد

0
62


دافعت الإعلامية سهير جودة عن الفنانة شيرين عبد الوهاب، بعد تعرضها لموجة من الانتقادات، عقب ظهورها الأخير، في عزاء والدة الموسيقار أمير عبد الحميد.

ونشرت سهير جودة مجموعة صور لشيرين عبر حسابها الرسمي بموقع “فيسبوك”، وكتبت: “إحنا عايزين نوصل شيرين عبدالوهاب لإيه؟!، لما اختفت قلنا ياريت ترجع ولما رجعت اتنمرنا على لبسها”.

وأضافت: “لما غابت تاني طالبنا بعودتها لما ظهرت من جديد فتحنا عليها باب السخرية من شكلها وطريقتها واختياراتها، طيب وبعدين؟!”.

هجوم من سهير جودة ضد المتنمرين على مظهر شيرين

وتابعت: “إنتوا عايزينها ترجع عشان تستقبلوها بالأحضان ولا عشان تحاكموها على كل تفصيلة في حياتها؟، كل مرة بتاخد خطوة وترجع تظهر للناس تلاقوا ألف طريقة تحسسوها إن ظهورها كان غلة، وإن غيابها أرحم لها من مواجهة كل القسوة”.
ووجهت سهير جودة سؤال لمحبي شيري: “هو إحنا بنحب شيرين ولا بنعاقبها لأنها رجعت؟، دي إنسانة قبل ما تكون نجمة عندها مشاعر وأزمات وتعب وانكسارات زي أي إنسان”.

وتابعت: “مش مطلوب منها تكون طول الوقت في أحسن حالاتها عشان تستحق مننا الاحترام، ارحموا شيرين شوية مش كل ظهور ليها لازم يتحول لمحاكم ومش كل صورة لازم تبقى مناسبة جديدة للتنمر”.

رسالة لمصور فيديو شيرين عبدالوهاب

ووجهت رسالة للشخص الذي قام بتصوير شيرين عبد الوهاب في العزاء: خليني أفترض حسن النية… إنك صورت اللقطة ونشرتها لأنك شايف إن الفيديو مناسب للنشر، لكن لو أنت بنفسك شايف إن اللقطة مش مناسبة وإنها ممكن تجرح صاحبتها أو تعرضها للسخرية والتنمر، يبقى السؤال: ليه نشرتها؟!”.

وأوضحت: “استفدت إيه لما حوّلت لحظة من حياة إنسانة لمادة يتنمر عليها الآلاف، ارتحت لما الفيديو جاب مشاهدات والريتش على والتعليقات زادت”.

وواصلت: “ولو الفيديو حقق لك مكسب مادي… تقدر تبقى مبسوط بالفلوس دي وأنت عارف إنك ساهمت في موجة من الإهانة والتجريح، هتنام مرتاح هتاكل من لقمة فلوسها متلوثة بأذى إنسانة، فيه حاجة اسمها ضمير المهنة وفيه حاجة اسمها إنساني وياريت الاتنين يفضلوا أهم من الريتش والمشاهدات”.

أول ظهور لشيرين عبدالوهاب

أقيم أمس الإثنين، عزاء والدة المايسترو أمير عبد المجيد، في مسجد الحامدية الشاذلية بمنطقة المهندسين بالجيزة، والذي رحل عن عالمنا الجمعة الماضية.

وشهد العزاء أول ظهور للمطربة شيرين عبدالوهاب، وهي تقدم واجب المواساة للمايسترو أمير عبد المجيد، خلال تلقيه واجب العزاء في والدته.

وحرص عدد من نجوم الفن على حضور عزاء والدة المايسترو أمير عبدالمجيد أبرزهم الفنان محمد هنيدي، وعلاء مرسي، وغيرهم من النجوم.

اقرأ أيضا..

أحمد الفيشاوي يكشف حقيقة خلافه مع محمد رمضان.. فيديو

7 صور| أحمد العوضي ويارا السكري في كواليس “سلطان الديب”

طبيب شيرين عبدالوهاب يوضح سبب زيادة وزنها: “حالتها النفسية مش أحسن حاجة “



Source link

LEAVE A REPLY

Please enter your comment!
Please enter your name here