نيفين شلبي تنتقد تصريحات طبيب شيرين عبدالوهاب: الشهرة جننت الناس

0
90


انتقدت المخرجة نيفين شلبي تصريحات الطبيب الخاص بالفنانة شيرين عبدالوهاب، بعدما تحدث عن حالتها النفسية وأسباب زيادة وزنها، عقب ظهورها الأخير في عزاء والدة المايسترو أمير عبدالمجيد.

نيفين شلبي تنتقد تصريحات طبيب شيرين عبدالوهاب

كتبت نيفين في منشور عبر حسابها الرسمي بموقع “فيسبوك”: “اللي نعرفه عن أخلاقيات الأطباء من زمان حفظ أسرار المرضى، ليه طبيب شيرين يصرح علنا إن حالتها النفسية مش أحسن حاجة؟ فين آداب المهنة؟ وبعدين هي عاجزة إنها لو عاوزة تقول لجمهورها حاجة تقولها”.

وتابعت: “هل الناس اللي سألوك دول أجبروك إنك تدلي بتصريحات غير أخلاقية كده عن مريضة عندك، سواء كانت شخصية عامة أو إنسانة عادية؟ الحالة الوحيدة اللي تجبر فيها بإفشاء أسرار المرضى الجهات القضائية وفقًا لمعايير كلها سرية. الشهرة جننت الناس خلاص، عرفنا كلنا إنك دكتور شيرين ومحدش هيفكر يروحلك، اطمن”.

تصريحات طبيب شيرين عبدالوهاب

وكان الطبيب الخاص بشيرين عبدالوهاب قد تحدث عن حالتها الصحية والنفسية، في مقطع فيديو نشره عبر حسابه بموقع “فيسبوك”، قائلًا: “يا جماعة الناس من امبارح عمالين يبعتوا لي وبيسألوني على شيرين عبدالوهاب وحالتها الصحية، أنا عايز أطمنكم يا جماعة، الفنان ده إنسان طبيعي زي أي حد في الدنيا، أنا بقالي فترة ما شفتهاش أكتر من شهرين ونص وما تابعناش مع بعض”.

وأضاف: “بس آخر مرة كنت معاها كانت حالتها النفسية مش أحسن حاجة، وطبعا دي حاجة ليها أسباب تانية خاصة بيها هي”.

وتابع: “فطبيعي إن الحالة المزاجية يا جماعة بتعلي هرمون الكورتيزول، يعني الوزن بيزيد على الهوا، لو بتشرب مياه كده هتلاقي وزنك بيزيد، وهي إنسانة طبيعية خالص، يعني الفنان ده إنسان، وهي بقالها أكتر من شهرين ونص أنا شخصيا مش عارف أوصلها أصلا، فارحموا الناس حرام”.

اقرأ أيضا:

جوزيف عطية يكشف عن ارتباطه بـ بيرلا حرب: “بتمنى يكون فيه عرس”

أطباء أثاروا الجدل في حياة شيرين عبدالوهاب أحدثهم محمود العفيفي

بالصور| نجوم الفن في جلسات تصوير غير مألوفة.. حيوانات وإطلالات غريبة

8 صور| كواليس مسلسل “عشماوي” لـ محمد رمضان استعدادا لرمضان 2027

الإذاعة المصرية تحتفل بذكرى ميلاد أحمد زكي بإعادة بث مسلسل “الوسية”



Source link

LEAVE A REPLY

Please enter your comment!
Please enter your name here