عبر الشاعر الغنائي مصطفى حدوتة عن سعادته بالنجاح الكبير الذي حققته أغانيه في ألبوم حبيتك للمطرب عمرو دياب والذي تم طرحه مؤخرا على المنصات الموسيقية وموقع الفيديوهات “يوتيوب”، وهي: وانتي جنبي، الألوان، 12 بالليل.
أغنية الألوان والجدل
وعن حالة الجدل المُثارة بسبب أغنية “الألوان”، قال حدوتة في تصريحات خاصة لـ”مصراوي”: “أنا والله مبسوط، بالنسبالي طالما الحاجة عملت جدل تبقى نجحت جدا”، مشيرا إلى أنها أغنية كان يراهن على نجاحها مع أي مطرب “كنت واثق وأنا بكتبها إن أي حد هتنزل معاه هتلفت الانتباه، وهتعمل جدل”.
وردًا على انتقاد البعض لأغنية الألوان تحديدا، وهل ضايقه الأمر، قال: “مش بتضايق من أي انتقادات جاتلي على الأغنية دي تحديدا، أنا بس ضد فكرة إنك تشتمني، ومش بحب أرد على الكلام ده”.
وعن رأي عمرو دياب في الأغنية بعدما أرسلها له، أكد حدوتة أنها نالت إعجابه وبدأ العمل عليها سريعا “قالي جامدة يالا نشتغل، واشتغل عليها وخلصها على طول الحمد لله. طبعا عمرو دياب ذكي جدا والفكرة الحلوة جدا هو بيقدرها جدا”.
التعاون مع عمرو دياب وتامر حسني
وتابع حدوتة عن عمرو دياب “كل الأغاني اللي ببعتهاله بيقولي جامدة وهشتغل دي كلمته، وبعرف إنه بينفذها، ومن وقت للتاني يكتبلي إنت شغلك جديد ومختلف، السنة دي بعتلي ده مرتين، ولما بيقولي كده بجري زي أبو تريكة واحتفل احتفال كريستيانو رونالدو”.
وعن تعاونه مع المطرب تامر حسني في أغنية “مولعينها”، علق “الأغنية من توزيع أخويا وشريك نجاحاتي إيهاب كولبيكس، من ألحان أخويا إيهاب عبدالواحد، ومحققة رقم دلوقتي كبير، ومبسوط جدا بالتجربة نفسها مع تامر حسني”.
وأكد حدوتة أن رأيه في نفسه لا يعتبره غرورا ولكن نابع من ثقة فيما يقدم وأنه يعطي لنفسه حقها.
اقرأ أيضا
“أنا آسف يا حاجة”.. أحمد العوضي يرد على متابعة حلمت ابنتها بالزواج منه
بـ”توب تايجر” وجيبة قصيرة.. مي عمر تخطف الأنظار في اليونان
بإطلالة شبابية.. داليا البحيري تستمتع بعطلتها الصيفية – صور
