شارك المنتج والمخرج مجدي الهواري جمهوره ومتابعي حسابه الرسمي على موقع التواصل الاجتماعي إنستجرام، صورًا جديدة من حفل خطوبة ابنته مريم، الذي أقيم قبل يومين، بحضور أسرة العروسين، وعدد من الأصدقاء المقربين.
أول تعليق من مجدي الهواري على خطوبة ابنته
وعلق مجدي “ما شاء الله تبارك الله ساعات الواحد بيبقى بيتكلم زي الطلقة، وساعات تانية يقف قدام فرحته مش لاقي كلام يقوله، فيسيب الصورة تعبّر عنه. من إمبارح والله مش عارف أكتب إيه من الفرحة ! بس هحاول”.
وتابع “إمبارح كانت خطوبة بنتي وحبيبتي مريم. على كريم هلال زميلها من أيام المدرسة واد جدع وشهم وصاحب إخوتها طول عمره. يوم من الأيام اللي بتفضل محفورة في القلب، مش بس عشان فرحة الخطوبة، لكن عشان اللمة الحلوة، ووجود الأهل والأقارب، والضحكة اللي كانت في عيون كل واحد فينا وهو شايف مريم سعيدة”.
مجدي الهواري يوجه رسالة لابنته
وأضاف مجدي “يا مريم، يمكن الصورة تحكي جزء من اللي جوايا، لكن مش هتعرف تقول قد إيه فرحتك فرّحتني، وقد إيه اللحظة دي خلت قلبي مليان امتنان وحب. كبرتي قدام عيني، امبارح شفتك بتبدأي خطوة جديدة في حياتك، فدعيت من قلبي إن ربنا يحميكي من العين
ويكتب لك فيها كل الخير، ويجعل أيامك جاية أحنّ وأجمل مما تتمني”.
واختتم “مبروك يا حبيبتي يا بنتي.. ربنا يتمم لك على خير، ويحفظك ويسعدك، ويجمع بينكم دايمًا على المودة والرحمة والرضا. فرحتك من فرحة قلبي، ووجودك في حياتي أجمل حكاية. مبروك حبيبتي ومبروك يا كريم عرفت تختار، وعقبال الليلة الكبيرة دعواتكم لهم بالتوفيق ويهدي سرهم يا رب قولوا تبارك الرحمن”.
مسلسل القصة الكاملة
يواصل مجدي الهواري متابعة ردود الفعل على حكايات مسلسل القصة الكاملة الذي يقوم بإنتاجه، إذ تم عرض حكاية لعبة جهنم وحكاية ما لم يُحك عن بني مزار خلال الفترة الماضية على منصة MBC شاهد.
اقرأ أيضا
فيفي عبده توجه رسالة لـ صابرين وغادة عادل ومجدي الهواري
رغم الاستقالة والانسحابات.. رضا الوكيل يؤكد إقامة مهرجان الموسيقى العربية بموعده
محمد ثروت يكشف تفاصيل جديدة عن أسباب عدم مشاركته في مهرجان الموسيقى العربية
