كشفت الفنانة نورهان سبب ابتعادها عن التمثيل لمدة 6 سنوات، مؤكدة أن عودتها إلى الساحة الفنية جاءت بالصدفة، بعد فترة كرستها للاهتمام بابنها.
نورهان تكشف سبب ابتعادها عن الفن 6 سنوات
وقالت نورهان، خلال لقائها ببرنامج “الستات ميعرفوش يكدبوا” المذاع على قناة CBC: “رجوعي جه عن طريق الصدفة، ربنا بيدبر الأمر على حسب احتياجات كل إنسان، من ضمن الحاجات اللي حصلت في الست سنين اللي مكنتش فيهم بمثل، إني كنت مركزة مع ابني، وعلاقتي بالوسط الفني بقت سطحية”.
وأضافت: “أغلب المخرجين اللي اشتغلت معاهم دلوقتي كنت اشتغلت معاهم وهما مساعدين، وكنت بحضر مع ابني مسرحية أطفال، وقابلت الفنان أشرف طلبة، وقالي إنهم بيعملوا النسخة المصرية من مسلسل أمريكي وعايزني أعمل أوديشن”.
وتابعت: “استغربت وقلت له أوديشن؟ مفيش داعي، واتكسفت وخدت الموضوع على قلبي، لكنه أكدلي إنه ضروري، وبعدها حسيت إن ده باب ربنا بيفتحه ليا، وعملت 4 أجزاء من (هبة رجل الغراب)، وكانت من أحلى سنين شغلي وأجمل الكواليس”.
آخر أعمال نورهان
وشاركت نورهان مؤخرًا في مسلسل “ورد على فل وياسمين”، بطولة صبا مبارك، وأحمد عبدالوهاب، وفدوى عابد، وهديل حسن، وسلوى محمد علي، وميمي جمال، وإسماعيل فرغلي، والراحل محمد مرزبان، ومن إخراج محمود عبدالتواب، وتأليف عمرو سمير عاطف ووائل حمدي.
اقرأ أيضًا:
منة القيعي تعلق على أزمة حق الأداء العلني.. ماذا قالت؟
رانيا فريد شوقي تحيي ذكرى ميلاد والدها: عيد ميلادك في الجنة
