كشف الفنان ياسر جلال حقيقة تقاضيه 40 مليون جنيه عن كل عمل يشارك في بطولته، وذلك خلال مداخلة عبر تطبيق “Zoom” في برنامج “آخر النهار” مع الإعلامي تامر أمين.
وقال ياسر جلال: “فيه زملاء ليا بيتباهوا وبيقولوا إنهم الأعلى أجرا في مصر، لكن أنا أقل أجرا بالنسبة لزملائي”.
هل يتقاضى ياسر جلال 40 مليون جنيه؟
وخلال الحوار، قاطعه تامر أمين قائلًا: “أنا سمعتك الأسبوع اللي فات بتقول إنك بتعمل مسلسل واحد في السنة، وهو ده اللي بيغطي مصاريف السنة.. هما الـ40 مليون مش كفاية؟”.
ورد ياسر: “40 مليون؟ قسماً بالله ربع المبلغ ده، وأزيد شوية علشان القسم، وأنا راضي، وأنا ياسر ما بعملش إعلانات، وعندي مبدأ إني ما بعملش برامج بفلوس، وده لا يقلل من احترام أي زميل بيعمل ده”.
وأضاف: “الفلوس اللي باخدها من المسلسل بعيش بيها طول السنة، وبعد ما بدفع منها حوالي 40% ضرائب، والباقي بيروح على أعباء الشغلانة، وفي ناس بتعتبر الضرائب هي الزكاة، لكن أنا ومراتي بنرفض ده تمامًا، فإحنا بندفع الضرائب وبنطلع الزكاة كمان”.
وتابع: “أنا وأسرتي عايشين كويس جدًا، وممكن نسافر بره مصر، لكن الفنان علشان يحوش لازم يكون عنده مشروع أو بيزنس”.
ياسر جلال يكشف حقيقة أجور الفنانين في مصر
وأكد أن الأرقام المتداولة عن أجور الفنانين غير دقيقة، قائلا: “المشكلة إن الناس بتصدق الأرقام اللي بيقولها المنتجين، وهي مش حقيقية، وأنا ما عرفش زميل بياخد 40 أو 50 مليون، واللي بيطلع يقول كده ياريت المنتج يطلع العقد ويوريه للناس، واللي يقول إنه الأعلى أجرا بيكون بيسوق لنفسه”.
آخر أعمال ياسر جلال
يُذكر أن آخر أعمال ياسر جلال الدرامية مسلسل “كلهم بيحبوا مودي”، الذي عُرض في موسم رمضان الماضي. وشارك في بطولته كل من: ميرفت أمين، أيتن عامر، مصطفى أبو سريع، هدى الإتربي، وجوري بكر. المسلسل من إنتاج مها سليم، وتأليف أيمن سلامة، وإخراج أحمد شفيق.
اقرأ أيضًا:
سعد الصغير يروج لـ ميني ألبوم يا بجاحتك.. ويكشف موعد طرحه
على طريقة باسم سمرة في العتاولة.. رامي عياش يثير الجدل بلوك جديد (صور)
مواجهات نارية في نزلات The Comeback.. تركي آل الشيخ ينشر نتائج الفائزين
نرمين الفقي بفستان جريء وليلى علوي في روما .. لقطات نجوم الفن خلال 24 ساعة
