علق حمد إبراهيم، المدير الفني السابق للنادي الإسماعيلي، على وضع الفريق الحالي، بعد خسارته أمام حرس الحدود بهدفين نظيفين، اليوم الخميس، ضمن منافسات الجولة الخامسة من دوري المحترفين.
وقال “إبراهيم” في تصريحات خاصة لـ”مصراوي”: “مش قادر أتكلم عن الإسماعيلي، لأن كل ما بجيب سيرة النادي ببقى حزين جدًا وتعبان” مضيفا “لازم نفك القيد ونجيب لاعيبة، وأي كلام تاني هنظلم الإدارة والمدربين”.
وتابع: “لازم نفك القيد بأي شكل قبل ما نبقى في ورطة أكبر من اللي الإسماعيلي فيها دلوقتي، وأنا بقول إننا فضلنا نحمل العبء على النادي لحد ما الحال وصل للوضع ده”.
وأوضح المدير الفني السابق للدراويش: “لازم نفك القيد ونجيب لاعيبة كبار، اللاعيبة الموجودة في النادي دلوقتي صغيرة في السن، وكويسة وكل حاجة، لكن الملعب ليه خصائص ثانية مش لاعيبة صغيرة وخلاص لازم أصحاب خبرة”.
وأكمل: “الإسماعيلي محتاج لاعيبة مختلفة وتركيبة الملعب دي مش موجودة دلوقتي في النادي، وأنا مش هقدر ألوم على حد، لا الإدارة ولا اللاعيبة ولا المدرب، لأن دي مش مشكلة نادي”.
واختتم حمد إبراهيم تصريحاته: “علشان الأوضاع تتحل القيد يتفك، لأن إحنا من يوم ما مشينا بنتكلم في إنقاذ النادي، وده كلام وخلاص، إحنا مش عاوزين نتكلم كتير، إحنا عاوزين نشوف حل لمشاكل النادي وبسرعة”.
ويحتل الإسماعيلي المركز قبل الأخير في جدول ترتيب دوري المحترفين برصيد نقطتين، بعدما فشل في تحقيق أي انتصار خلال أول 5 جولات من المسابقة.
بالصور.. خناقة شوارع في مباراة طنطا والنصر بدوري المحترفين
“اعتدوا على اللاعبين”.. بيان رسمي من النصر عقب الاشتباكات أمام طنطا
