تحدثت الإعلامية فرح شعبان، خلال مقطع فيديو نشرته عبر حسابها الخاص بموقع “إنستجرام”، عن تعرضها للظلم من قبل طليقها البلوجر علي غزلان، وكشفت عن معاناتها بعد انفصالهما للمرة الثالثة.
تصريحات فرح شعبان
وقالت فرح شعبان: “ارحموا من في الأرض يرحمكم من في السماء، أنا تعبت والله، مش عارفة لحد إمتى هفضل محتوى للطرف الآخر، خلاص كفاية إني اتظلمت في حياتي كلها، وكفاية إني أخدت لقب أنا مكنتش عايزة أخده، وكفاية إني واحدة عندي 27 سنة بقت سنجل ماما، وبتدير حياة كاملة لوحدها وبتربي طفل عشان ميطلعش معقد، وحاجات كتير الواحد ساكت عنها”.
وتابعت: “بس لحد إمتى هفضل محتوى؟ ومعنى إني اتطلق 3 مرات من نفس الشخص، يعني أنا عملت كل ما بوسعي عشان أكمل، لحد ما وصلت لمرحلة إني خلاص بموت، وحتى لما بنصح الستات، عشان ده محتوايا وبرنامجي اسمه “إنتي”، لما بتكلم بقول ده أب كويس ومحترم، لكن بيتقال عليا أنا كنت دافنة حياتي ليه.. كفاية ظلم وكذب بقى”.
واستكملت: “ولو حد بيعاملني بما يرضي الله، مكنتش همشي ولا أحب كنت أخد لقب مطلقة، ولا إني أربي ابني بعيد عن أبوه، ولا إني أبقى لوحدي وحياتي اتدمرت. أنا ممكن أقول أسباب الطلاق، بس مش هقول عشان ابني يفضل يحبك”.
وظهر علي غزلان مؤخرا في أحد البرامج وتحدث عن المواقف التي تعرض فيها للخذلان كما أكد أنه دون أسباب طلاقه من فرح شعبان في مذكراته.
كواليس انفصال علي غزلان وفرح شعبان
كان البلوجر علي غزلان أعلن انفصاله عن زوجته فرح شعبان للمرة الثالثة في شهر أبريل الماضي.
وكان الانفصال الأول في شهر يونيو عام 2024، بعد زواج دام قرابة عامين ونصف، قبل أن يقررا العودة إلى بعضهما في نوفمبر من العام نفسه.
وأعلن علي غزلان انفصاله عن فرح شعبان للمرة الثانية في شهر أبريل عام 2025.
اقرأ أيضا:
على البحر.. هدى الإتربي تخطف الأنظار في أحدث ظهور
تكريم هاني شاكر يشعل حرب البيانات بين مصطفى كامل وماهر همامي
بحضور يسرا وسميح ساويرس.. مهرجان الجونة السينمائي يكشف تفاصيل دورته التاسعة
تكريم هاني شاكر يشعل حرب البيانات بين مصطفى كامل وماهر همامي
